Kjo botë nuk ka qenë asnjëherë për ty, e as për mua. Aq më pak për egon që me mjeshtëri na bënë të shohim se si çdo gjë sillet vetëm rreth vetes sonë. Kjo botë është shuuumë e vjetër, e ne jemi udhëtarë të përkohshëm që kemi ardhur për t’i mësuar mësimet që na nevojiten në këtë fazë të evoluimit tonë shpirtëror.
Ti nuk erdhe në Tokë për interesin personal, me të cilin egoja jote e sheh të lidhur çdo gjë rreth vetes. Ti pranove që për të mirën e përbashkët të sjellësh talentet e shpirtit tënd, aftësitë, dijen, dritën hynore dhe shkallë-shkallë të ngrihesh në qenie të vetëdijshme plotësisht. Misioni yt është që për këto talente e aftësi që i ke brenda vetes, të gjesh mënyrën më të mirë t’i ndash dhe t’i shërbesh të tjerëve. Jo rastësisht, e gjithë kjo lidhet me rritjen tënde shpirtërore, me suksesin dhe lumturinë tënde gjatë kësaj epizode jetësor. E gjatë këtij rrugëtimi, ti je këtu për të marrë mësimet e nevojshme duke qëndruar kokëulur e faleminderues për mundësinë e madhe që ke.
Kur të kuptuarit, përqendrimi dhe qëllimi yt janë të unifikuara, kjo bëhet mënyra jote e të qenurit. Ti je e vendosur dhe e pandalshme. Asgjë dhe askush nuk mund të ndaloj më në këtë rrugëtim.
0 Comments